EIRUGAS DE BOLBORETA MACAON, CONSEGUIREMOS VER A SÚA COMPLETA TRANSFORMACIÓN?

Xa na primeira semana de curso Vera nos sorprendeu traendo un botiño con dúas eirugas de bolboreta Macaon. Curiosamente, eu, sen saber cal era a tempada axeitada, busquei e busquei no verán no fiuncho a ver se atopaba algunha pero nada.

Como na finca de onde as trouxo había máis, trouxéronnos outras cinco e comidiña para alimentalas (igual que os vermes de seda só comen morera, estas eirugas comen 3 cousiñas nada máis: fiuncho, ruda ou a parte verde das cenorias).

Despois de pasar uns días véndoas (con lupa, sen lupa, tocándoas...), comezaron a transformarse en "pupa". Pero, por algunha razón (supoño referente a temperatura ou humidade) podrecéronse todas menos unha. Agora pasados uns días, estamos moi pendentes para ver se logramos vela xa como unha BOLBORETA MACAON  ou BOLBORETA COLA DE ANDURIÑA.

MEDRAN E MEDRAN OS NOSOS PITIÑOS.

Queredes velos? Pois velaquí están:

CHEGOU A TEMPO A METAMORFOSE!!!!!

UNHA VISITA AO FONDO MARIÑO

Temos a sorte de ter moi preto museos moi, pero que moi interesantes. É o caso, por exemplo, do Aquarium Finisterrae da Coruña, que visitamos onte.
Puidemos ver dende ovos de tiburón con bebés en diferentes fases, o relaxante movemento das medusas, cabaliños de mar, estrelas de mar, como os peixes se moven en bancos pero cada un vive nunha zona determinada do océano (uns en bateas, outros en acantilados, outros en covas mariñas...), tamén atopamos a Nemo, Dory e Marlin (os peixes paiaso da sala Humbold)... pero o máis esperado e interesante foi ver como alimentaban a Gastón o tiburón, e ás 13 focas que hai no exterior.
Gastón non parecía ter moita fame e na primeira volta da buceadora pasou olímpicamente da pescada que lle deron.
Sabíades que os peixes do tanque da sala Nautilus comen só 3 veces á semana? As focas, nembargantes, comen 3 veces ao día.
Mirade un pouquiño da nosa visita:

ASÍ DE BEN VAN OS NOSOS PITIÑOS

Están nunha granxa dunha parroquia moi preto.
Se queredes preguntar por eles non tedes máis que acehgarvos ao MERCADO MUNICIPAL OS SÁBADOS e buscar un posto no que venden ovos de galiñas de Mos e repostería caseira. Alí vos informarán ;)
Pero non vos preocupedes que por aquí poderemos ir vendo o seu crecemento e transformación de cando en vez.

E á volta das vacacións... iremos a velos!!!!! :)

DESPEDIDA DOS PITIÑOS

Hoxe os pitiños marcharon da nosa clase, pero estarán moi ben nunha granxa dunha parroquia de aquí das Pontes. Alí iremos de visita á volta das vacacións de verán, e aproveitaremos para ver cómo medraron e en que se convertiron.
Dende a Asociación AVIMÓS que foron os que nos emprestaron a incubadora cos ovos, hoxe tamén nos deron unha formación a modo de charla na que puidemos ver tamén aos papás dos pitiños "MAMÁ GALIÑA e PAPÁ GALO" de Mos, por suposto.
Con eles aprendimos moitas cousiñas, por iso dende aquí lles queremos dar as grazas.
Ademais como queríamos compartir co resto a nosa alegría de tantos pitiños que naceron (13 nin máis nin menos) convidamos a tódalas clases do cole, e na nosa clase nos xuntamos para escoitar a charla, e despois coller aos pitiños, e ver de preto á galiña e ó galo.

Vaia experiencia!!!! O certo é que máis de un se preocupou moito polos pitiños e quedou triste de saber que xa se ían, pero para compensar a pena, cadaquén levou o seu mini pitiño de xoguete para coidalo, e ata lle puxeron nome :)

OS NOSOS PITIÑOS!!!!

Onte, día 14, era o día previsto para que naceran, pero... a natureza non é unha ciencia exacta como as matemáticas, así que... moitos decidiron adiantarse.

Ao chegar o día 13 pola mañá xa naceran 2 pitiños, e outros 2 tiñan picado o cascarón porque estaban xa intentando sair. Como tiñamos que estar sobre as 10 no museo... non nos quedamos a mirar, e ao chegar, xa había 4!!!
Pola tarde a profe foi mirar a última hora e xa había 9, veu nacer a 3 e xa quedaban 12 pitiños rebulindo na incubadora e outro quedaba picando o cascarón. Pola mañá ese que quedaba picando xa nacera. así 12+ 1 :)
E hoxe... haberá algunha sorpresa ao chegar ao cole? Nacería algún máis?
Vos deixamos aquí un vídeo para que os vexades:

UNHA "CALCULADORA DE POLLITOS" OU UNHA INCUBADORA?

Menos incubadora chamámoslle de todo: polletería, calculadora de pollitos... pero o caso é que o día 24 nos trouxeron unha incubadora con 18 ovos de GALIÑAS DE MÓS, dende a asociación AVIMÓS, previa solicitude.
Así que... agora nos queda agardar ata o día 14 de xuño que será cando (esperemos) decidan sair do cascarón.
Temos que facer a conta atrás dos días que faltan, xa que son 21 días de incubación.
A incubadora está programada para que os ovos de cando en vez xiren, así que, cando na incubadora soa unha musiquiña, alá nos imos mirar como xiran.
Cada 2 días temos que botarlle auga para que a humidade sexa correcta, e uns días antes haberá que facerlle algún cambio: parar o xiro automático, subir a temperatura e baixar a humidade.

Cantos credes que nacerán?

Deste xeito é como comezamos un novo "MINI PROXECTO". Mini porque xa non nos queda moito tempo de curso e temos que adaptarnos a esta temporalidade.
Xa sabedes, se queredes aportar calquera material referido ao tema GALIÑAS E POLIÑOS, estaremos encantad@s coas vosas aportacións:
O mesmo pode ser un conto, un libro informativo, información de internet, un peluche, un xogo, un "lapbook" coa información recollida nunha cartolina (como fixemos coas flores)... e todo o que logo sexa para devolver terá que vir marcado co nome.
Moitísimas grazas de antemán.

AS INTERESANTES CHARLAS DE JUAN

Seguimos tendo, de vez en cando, a visita de Juan, un compañeiro de 6º experto en animais, que nos fala cada día de especies diferentes e sempre nos trae algunha cousiña para que vexamos e toquemos.
Como podedes ver na imaxe, este día troúxonos unha cabeza de caimán!!! Abraiados quedamos cando a vimos!!!!

DINOSAUROS E OUTROS ANIMAIS

O venres recibimos a visita de Juan, un alumno de 6º ao que lle encanta falar sobre animais. Tanto, que prepara "charlas" para darlle aos máis pequen@s do cole, e ata ten feito a súa propia "GRAN ENCICLOPEDIAS DOS ANIMAIS"  cos seus debuxos e textos.
Era a primeira vez que viña á nosa clase, e quedamos "pasmad@s" escoitándoo e vendo os fósiles que nos trouxo de garras de dinosauros!!!!

Esperamos a súa seguinte visita na que nos irá falando sobre distintos animais.

XOGAMOS COS ANIMAIS?

Claro que sí!!!
Pero agora farémolo recreando pouquiño a pouquiño os seus hábitats.
Na medida do posible utilizaremos materiais naturais para recrealos, pero para iniciarnos o venres na tarefa puxemos de base unha alfombriña de céspede artificial e uns anaquiños de feltro. Logo xa iremos engadindo outras cousiñas.

PAXARIÑOS PIADORES DA PRIMAVERA

Chegaron á nosa clase, sen cor, sen plumas, sen niños, sen comidiña nin nada de nada, pero nós xa nos encargamos de servilos de todo iso, e así de ben os puxemos!!!!
Moito colorido (como xa viramos nas imaxes de paxaros que os hai de todas as cores, e moitas especies teñen varias cores, pois a colorear sen medo!), un niño quentiño con laniñas, plumas para voar e gardar calor, e uns ricos "gusanitos" de plastilina para almorzar.

Por suposto, quedounos ben claro que o mellor sitios para os paxaros é a liberdade de vivir na natureza, xa que nas gaiolas non poden voar.

Se queredes pintalo online, premede AQUÍ ou na imaxe e xa o poderedes facer dende o voso ordenador.