SAÍDA: AXENCIA DE VIAXES E PANADERÍA (parando nunha morea de sitios)

Como Xabi nos dixo tan convencido que a súa nai traballaba en avións... quixemos comprobalo e decidimos facerlle unha visita ao traballo.
Previamente, tras ver a maleta de Xabi, collimos un globo terráqueo no cole e puxemos 5 pegatinas en distintos lugares (Groenlandia, Canarias, México, Malí e Brasil). Así que, tras falar un pouquiño do que era isto de viaxar... a que lugares se podería ir, en qué medios de transporte, que cousas se soen levar nunha maleta de viaxe...
Puxémonos mans á obra para organizar a nosa cita na axencia e que nos explicasen como poderíamos chegar a esos lugares que escolleramos.
Así, nos puxemos a camiñar, e camiñar, e camiñar (pufff, coas obras dimos moitas voltas) e chegamos ao noso destino:

Despois da camiñata e estando xa a media mañá entrounos a fame, así que, fomos á panadería e cada un coa nosa moeda mercamos o boliño de pan que nos tapou un pouquiño o furado do estómago ata chegar ao cole outra vez e merendar.

Pasámolo xenial!!! Moitas gracias a Laura e Noe  :)