LES TROIS PETITS COCHONS

Pois sí! As profes Bea do cole ( a nosa e a de francés en secundaria) fixeron un trato, e aquí está a primeira parte. Alumnado de secundaria nos veu contar un conto en francés e caladiños e pasmadiños estabamos observando e escoitando esas palabras tan raras que dicían. Ao final ata nos deron un agasaio. Que sorte!!!

Xa sabedes de que conto se trata. non?


P.D Grazas profe Bea (de francés) á volta teremos que facer a segunda parte deste troco ;)

RECANTO LECTOR TEMÁTICO

Dentro da nosa biblioteca de aula, e para centralizar un pouquiño os libros informativos e contos do tema no que estamos agora mesmo inmersos "GALIÑAS E POLIÑOS", creamos un espazo propio para estes materiais.
Levamos uns días con este espazo, lendo a diario un ou dous contos ao final da xornada, e autonomamente mirando moitísimos pola nosa conta.
O triunfador, coma sempre, é o conto do POLO PEPE, pero tamén O PITO CAIRO, HERMANITO, AS 10 GALIÑAS... calquera deles conseguen ter un asombroso silencia na aula :)

OS LIBROS DE HERVÉ TULLET, UNHA ELECIÓN SEMPRE AXEITADA!

Son moitos os libros que ten escrito este autor, e calquera deles de seguro é unha boa compra.
Na aula xa utilizamos algúns e non deixa de sorprendernos,

O conto JUGAMOS ao igual que o de UN LIBRO, é máxico porque os peques son os protagonistas que teñen que seguir ordes tocando dalgún xeito especial na páxina, e ese movemento, produce algún efecto na seguinte páxina.

TEMOS VERMES DE SEDA

Antes das vacacións pechamos a xornada contando un conto máis que recomendable e moi coñecido, pero por si acaso aquí vos deixamos a referencia:

E claro, con este conto tan xenial que explica o ciclo vital das bolboretas non podíamos deixar a cousa así. Tiñamos que comprobar que iso que pon no conto é certo, así que... temos na clase oviños de vermes de seda, e algunhas eirugas moi, moi pequeniñas que naceron nas vacacións. Hoxe comezamos as primeiras observacións. E claro, son tan pequeniñas que tivemos que coller as lupas para poder ver algo.

Xa sabemos que estás non se van dedicar a comer larpeiradas (como a do conto) senón que só se alimentará de follas de morera. Por sorte, é unha árbore difícil de atopar, temos unha no noso patio, así que... poderemos alimentalas sen problema.

Que pasará nuns días? Temos que observalos a diario para comprobar a súa evolución vendo os contínuos e rápidos cambios que se producirán.

RECOMENDACIÓN LECTORA

Levamos dous días pechando a xornada coa lectura dun conto moi, moi,, moi máxico.
Un conto que consegue captar a atención do público, sexa cal sexa a súa idade porque se converte no protagonista.
Un libro no que se vai interactuando co propio libro facendo o que manda, e na páxina seguinte que ocorrerá? seremos magos? parecer parece maxia, sí!!!

Aquí vos deixamos un vídeo de youtube que atopamos no que podedes ver as páxinas do libro, e descubrir a súa maxia.


Pero dirémosvos que calquera dos libro de Hervé Tullet son xeniais, e nós trabllaremos con varios en distintos aspectos. Son LIBROS CREATIVOS, e iso é o que precisamos, que non nos den a historia feita senón que sexamos nós os que a creemos dun ou doutro xeito.

Xa veredes o divertidísimos que son!

A INVENTAR HISTORIAS!!!

Hoxe inicíamos nunha actividade que á profe lle encanta e é que nós inventemos historias, logo as ilustramos e facemos un libriño de aula con elas.
Para comezar trouxo unhas pedras, pero non unhas pedras calquera, senón unhas pedras de contar contos.
Nelas hai moitas imaxes, e están gardadiñas nun saquiño para que saquemos unhas pouquiñas e comecemos a inventar. Hoxe Clara era a raíña da colmea, así que, ela foi quen sacou 3 pedriñas, e partir desas imaxes, creamos en grupo a nosa historia.

E así foi como nos quedou a nosa primeira historia inventada en grupo:

Atrevédesvos a inventar unha historia? Podedes facelo con imaxes, fotos recortadas de revistas, debuxos, palabras...

A BIBLIO DO COLE

Está ubicada no pavillón de secundaria, pero visitarémola a miúdo a partires de agora.
Hoxe fomos un ratiño a última hora para ver algunhas das normas de funcionamento da biblioteca-casiña do caracol Rosendo.

Para a semana xa comezaremos as nosas visitas programadas para traballar con contos, hoxe só nos deu tempo a coller un cada un e botarlle unha pequeniña ollada.
Aínda así, aínda que só fose polo "paseo" xa vimos encantads@s!