COAS ZAPATILLAS...

Vainos xenial!!!!
Estamos super cómod@s e cada vez as calzamos máis rápido.
Se temos calzado con velcro ou cremalleira soemos facelo autonomamente, e se temos cordóns precisamos axuda.
Por iso, na medida do posible, é mellor traer un calzado que nos de autonomía para poder facer as cousas por nós mesmos. Encántanos dicirvos aos adultos que queremos facer as cousas sós, e aínda máis que nos dedes a oportunidade de irnos defendendo nas tarefas cotiás por nós mesmos.
Aínda que como vos dicimos o estamos facendo xenial... mirade un truquiño que ten a profe para que sexa máis sinxelo ver cal é do pe dereito e cal do esquerdo.
Xa vedes que o mesmo vale utilizar como guía o nome propio, unha cariña, un personaxe dos debuxos que nos guste moito... calquera cousa que teñamos que compoñer en 2 pezas e con iso lograr a posición correcta do calzado.

ZAPATILLAS AO COLE, POR QUÉ NON?

Pois claro que sí. Por qué non poñer zapatillas de casa no cole, cando queremos que sexa un lugar cómodo, cálido e achegado ao fogar para os peques? Por qué non poñelas cando nos pasamos 5 horas no cole? Por qué non poñelas cando a metade do tempo estaremos polo chan e as botas e zapatos nos acabarán molestando?
O caso é que onte estrearon as zapatillas e despois do recreo (que xa as tiñamos sacadas, claro) moitos entraron na clase e xa foron directos a poñelas outra vez. É que é unha verdadeira comodidade.
Xa sabemos que aínda que é bastante sinxelo se traemos calzado con velcro (se o traemos con cordóns faise máis difícil) as veces a algún compañeiro ou compañeira, ou a nós mesmos, nos pode resultar máis difícil, pero se nos axudamos, seguro, seguro que o conseguiremos.

Aínda que o primeiro día houbo un par de despistes DEREITA-ESQUERDA (o máis normal do mundo) , a actividade resultou xenial. Cambiáronse super rápido tanto para poñelas como para sacalas.
Utilizaremos un truquiño, se é preciso, que xa vos ensinaremos.