QUE SE PODE FACER CON TAPÓNS?

Hai multitude de ideas de xogos para facer con eles.
Nós hoxe só vos imos ensinar dúas, e se vos apetece, xa sabedes! podedes facelo na casa!
O primeiro que vos ensinamos é un xogo matemático coa que se pode traballar a numeración, a correspondencia grafía-cantidade,  a ordenación (ascendente ou descendente)... e o único que precisades son uns tapóns e un rotulador indeleble.
Mirade que sinxelo:

Por outra banda vos ensinamos un xogo con letras móbiles feitas a partires do mesmo material. Moitos tapóns, e en cada un unha letra (fixemos varios abecedarios completos e repetimos moitas vogais para que dese xogo a compoñer nomes ou palabras por varios peques ao mesmo tempo).

Xa sexa libremente (para facer o nome propio, por exemplo), ou con apoio de tarxetas... agora só queda buscar as letras precisas para a composición das palabras que queiramos facer.
É un xogo moi sinxelo, e entretido, que aconsellamos ter como "fondo de armario".
Animádesvos?

DÍAS DE CHUVIA...

Que xeito de descargar auga e vento!!!!
Espero que o mal tempo non nos faga quedar hoxe na casa sen poder sair cos nosos atuendos festivos.
Pero... por se é o caso... ou por si mañá ou outro día vos apetece facer algunha actividade de Entroido na casa:

* Por que non facer unha careta ou un antifaz? Pintar, decorar... sempre con moita liberdade e imaxinación para que a creatividade teña o nivel de 100%.
Aquí vos deixo algúns enlaces... premede nas maiúsculas e escollede a que máis vos guste.

CAROUTAS DE ANIMAIS

ANTIFACES

XOGAMOS COS NOSOS NOMES

Un xogo en gran grupo que logo transformamos a pequeno grupo e individual, foi o xogo de emparellar as fotos dos peques da aula cos seus nomes.

Tamén buscamos a nosa propia foto e o nome.

Pouco a pouco iremos avanzando e recoñeceremos tódolos nomes nun plis plas, de momento só nos soan algúns, pero cada vez o facemos máis rápido.

Mirade que ben o pasamos!

Así de sinxelo poderedes facer vós tamén o xogo na casa, con só utilizar unhas fotos e os nomes dos familiares. Seguro que lles encantará xogar con vós!

Máis adiante poderíase facer con todo tipo de temáticas: animais, cores... o que se vos ocorra.

Se decidides facelo... contádenos que tal resultou, vale?