COLONIA?

Sí, sí, tamén se pode facer colonia caseira, e nós temos a macerar unha semanita a nosa colonia de limón. Que tal ulirá? Temos que esperar para comprobalo.

QUE PODEMOS FACER CON PÉTALOS DE ROSAS?

Pois...

Na última imaxe podedes ver o traballo en cadea que fomos facendo. Primeiro envasado nas botelliñas e logo etiquetado das mesmas. Para non liarnos, a medida que iamos rematando poñíamos o noso materiail sobre a nosa foto, e logo finalmente colocar o fío coas etiquetas. E agora... a preparar o noso "cutis" con esta auga de rosas caseira.

QUEREDES VER COMO VAI O EXPERIMENTOS QUE FIXEMOS CON SERGIO?

Lembrádesvos de que puxemos en auga a semente dun aguacate, suxetándoa con paliños?
Pois mirade que raíz tan longa leva xa!!!!

Sairánlle xa as follas? Teremos algunha sorpresa á volta da ponte?

SERGIO: O NOSO PRIMEIRO EXPERTO

Xa nos deu a súa "conferencia" na que aprendimos unha morea de cousas.
Presentounos un EXPERIMENTO CON AGUACATE. O mesmo que nas tarefas de plantación do horto, teremos que ser pacientes para lograr ver os resultados.
Despois de que Sergio nos fose explicando o traballiño que fixo coa súa familia na casa,  coa VARIÑA MÁXICA DE EXPERTO EN FLORES E PLANTAS, fixemos o experimento propiamente dito, consistente en ver a reproducción dunha semente de aguacate. Para iso, puxémola sobre un vaso de auga, sostida con paliños, e tocando na auga só a súa parte inferior, pola que lle terán que saír raíces. Conseguirémolo?
Haberá que esperar alomenos 8 semaniñas para comezar a ver as raíces... aguantaremos tanto? Claro que sí!!!!
A ver que pasa!

Fíxoo xenial! Bravo Sergio!

OBSERVADOR@S

Dímonos conta dun pequeniño cambio que xurdíu nos nosos floreiros de caraveis.
Mirade:

Notades algo raro?
Onte eran complemente brancos! Como estarán mañá?

CHISPAS PÍDENOS FACER UN EXPERIMENTO FLORAL

Hoxe non foi por carta, senón por wasap (outra vez) como se comunicou coa profe o noso amigo científico.
Pediunos que xa que estabamos nunha floristería aproveitásemos para mercar uns caraveis brancos, e que unha vez na clase xa nos iría dando pistas do que tiñamos que facer.
E así foi... ao chegar á clase despois do patio, e de ir a psicomotricidade co profe Pedro, fixemos un experimento con caraveis.
Seguimos as ordes de Chispas, e agora tocaranos esperar a ver se lle acontece algo aos nosos caraveis. Para iso, temos que estar moi atent@s e ser observador@s.
E si hai algún cambio teremos que facerllo saber a Chispas a través dunha carta.

Que pasará?

CHISPAS TIÑA RAZÓN...

Algo raro lle pasa á auga cando lle da o Sol.

Por que suben esas gotiñas?
Volverán a baixar?

CHISPAS E AS SÚAS IDEAS

Mandounos unha carta. Nela nos falaba dalgúns utensilios que se empregan nos laboratorios. Primeiro nos preguntou se sabíamos para que servían e como se chamaban, e unha vez que falamos sobre o tema e viu que tiñamos unha lixeira idea (balanzas, microscopio...) así como aclararnos outros nomes como MATRAZ, ou PROBETA (que xa tiñamos na clase pero se nos esquecera o nome) nos propuxo atopar uns experimentos que deixara agochados debaixo dunha mesa da clase.
Tod@s nos puxemos mans á obra para atopar os experimentos, e despois de dar moitas e moitas voltas preto deles, ao fin os atopou Carmen.

Despois tocou traballar, sí!!!! pero para iso había que poñer un "uniforme científico" (unhas camisetas brancas).
Logo comezamos a falar da auga, dos seus estados, fixemos un experimento na ventana para vez o ciclo da auga (e que teremos que ir observando día a día, sobre todo, nos días de sol).
E tamén estivemos argallando a pintar auga, sí, sí!!!! Botamos auga, botamos colorante e botamos purpurina (para que quede máis chuli). Pero... e se mesturamos dúas cores, que pasaría? Pois probamos e xa o vimos!!!! Do azul e o vermello xuntos sae o violeta.

Armad@s cada un coa nosa PIPETA trasvasamos auga coloreada a uns moldes para meter no conxelador, pero... ademais de ver o que pasará coa auga mañá, veremos que pasará co resto de cousas que metimos nos moldes (gomas elásticas, boliñas de plastilina, pompóns...)

Que vos parece? Parecemos ou non auténtic@s científic@s?
Pois aínda non rematamos, mañá comprobaremos o que pasou coa auga do conxelador, pero... que saibades que fomos ao laboratorio de Chispas (no pavillón de Secundaria) e estivemos vendo todos os utensilios que alí ten, ata microscopios!!!! quixemos probar un, pero non demos feito, así que para a semana falaremos con unha axudante de Chispas para que nos amose como van esos microscopios.

CREANDO O NOSO PROPIO LABORATORIO CON CHISPAS

Chispas hoxe mandoulle un whatsapp á profe no que nos daba a noraboa polo ben que fixeramos o noso primeiro experimento. E nos dicía que como superamos a proba, xa merecíamos o noso carné. Pero, para poder crealo, tiñamos que vestirnos co uniforme de laboratorio e facer a nosa foto oficial para o carné.
Despois de posar ante a cámara... tivemos que facer un segundo experimento, no que os materiais eran cueiros e auga. Sabedes que fixemos? Neveeeeeeee!!! Sí, neve!!!!

A súa textura é xenial, seméllase moitísimo á da neve, aínda que cambia a sensación de frío pola de quente.
Se queredes probar na casa só tedes que desfacer uns cueiros e mollar as boliñas, como por arte de maxia se convertirá en algo moi, moi parecido á neve. Xa nos contaredes!

COMEZAMOS UN PROXECTO CIENTÍFICO

Hoxe recibimos a carta dun vello científico chamado Chispas  que nos propuxo traballar con el no seu laboratorio.

Pero para iso, tiñamos que ter o noso carné científico (que non temos), e para conseguilo superar unha pequena proba.
O primeiro que tiñamos que facer era falar sobre o que nós críamos que era iso de ser científico, e aínda que non nos achegamos moito... sí que falamos algo sobre que os científicos fan pócimas... será verdade iso? Teremos que investigalo!
Por outra banda o científico nos dixo que tiñamos que facer un experimento cun globo e papeliños. Unha vez feito, falamos sobre a electricidade estática.
A profe ata se puxo a bata branca e unhas gafas de facer experimentos!!! (teremos tamén nós un uniforme parecido? quen sabe!)
Por suposto que superamos a proba, e en breve chegarán os nosos carnés científicos.

Na carta nos poñía tamén que máis adiante nos ía a propoñer máis cousiñas... estaremos atent@s!!!

Ah!!! e esquecímonos de levar para casa os nosos globos, a ver como están o luns!!! Aproveitaremos para falar do aire e o que pasa nos globos...