DEBUXOS A PARTIRES DE OBXECTOS REAIS

O venres dous equipos comezaron a facer unha actividade de debuxo/pintura con obsectos reais. Neste caso era unha gran cabaza e dúas pequenas cestiñas, formando un bodegón.Os obxectos respecto de cada nen@ estaban colocados de distinto xeito, adeamis da perspectiva. Así, ao final nos atopamos con que houbo nenos que só pintaron unha das cestas, ou que a puxeron diante da cabaza e non ao lado, pois segundo a posición de cada un, os obxectos a debuxar presentaban distintas caracterísiticas.

CREATIVIDADE NO NOSO ATELIER

Cada vez somos máis creativ@s. Deixámonos levar pola nosa imaxinación e imos combinando técnicas e materiais para crear obras diferentes.
Aínda que poda parecer que esta actividade a fixemos todos xuntos á vez, non foi así. O que pasa é que cando vemos a un compañeiro ou compañeira facendo algo que nos gusta tamén a nós, nos animamos a facelo tamén. Por iso, podedes ver como as 5 primeiras obras en cartolina verde só están pintadas (con pinzas e algodón, e un par delas teñen pegadas un par de peciñas de goma eva). a partires de ahí viron como quedaba a obra dun compañeiro sobre cartolina negra, e pegando varias pezas de goma, "lentejuelas" de cores... e así foi como os demais quixemos "copiar a técnica".

REUTILIZANDO MATERIAIS, CREANDO OPORTUNIDADES DE NOVAS EXPERIENCIAS ARTÍSTICAS

Que vos parece o noso TÚNEL DE PINTADO?

Pintáchedes así algunha vez?
Neste caso fomos pasando todos polo túnel, e utilizamos só 3 follas de periódico como base (as que podedes ver como resultado final na primeira imaxe).

PINTANDO CON NOVAS PINTURAS BRILLANTES

CAMBIO DE EXPOSICIÓN: OS NOSOS AUTORRETRATOS CON FONFO DE ACUARELA

ESTAMPAMOS CON CORTIZAS DE BOTELLAS

Estes días, nos que as nosas actividades xiran arredor das galiñas e os pitos... aproveitamos para pintar uns pitiños e logo decoralos estampando. Quedaron super coloridos!!!

FACEMOS CADROS ESTAMPANDO CON LIMÓNS

Non podíamos desaproveitar os limóns que relamos para facer a colonia, así que... os aproveitamos deste xeito.

VÍCHEDES QUE BEN PINTAMOS CON ACUARELAS!!!!

A IMPORTANCIA DAS CREACIÓNS LIBRES

É fundamental o debuxo en idades temperás, pois é un medio de expresión por excelencia, por iso é importnatísimo que nos deixedes expresar libremente. sendo así, seremos nós os que crearemos e logo con moitísimo entusiasmo vos contaremos o que fixemos sin que ninguén no-lo pida.
E por que facelo sempre en papel? Claro que é un lugar idóneo, pero cambiar de formatos e materiais, ao tempo que reciclamos cousas que rematarían no contenedor, é tamén unha opción estupenda.
Quen dixo que había que tirar os cd´s cando están raiados? Se valen para moitísimas cousas!
Aquí vos ensinamos tan só unha idea de reutilización, pero hai unha morea.

EXPERIMENTANDO E CREANDO OBRAS COA INCORPORACIÓN DE ELEMENTOS

Neste caso engadimos lá para dar textura ás nosas obras:

ARTE E CREATIVIDADE EN TAPAS DE BOTES

Xa vos dixemos 1001 veces que á profe lle gusta gardar unha morea de cousas, que a tirar sempre hai tempo!!!! Pois aquí podedes ver outro exemplo de como lle damos utilidade a materiais que ás veces só se usarían 1 vez.
Nós os tarros os utilizamos para moitísimas cousas: para algún experimento, para botar a pintura, para facer xarróns... neste caso coas tapas fixemos "mini obras creativas".
Onte esta actividade do atelier foi de achegamento ao material, amosándonos que con uns rotuladores especiais podemos pintar en superficies que non sexan de papel, que con adorniños adhesivos (corazóns neste caso) podemos decorar as nosas obras ao tempo que traballamos a motricidade fina (pois temos que sacarlles as pegatinas que traen).
Agora que xa sabemos con que materiais podemos traballar, no ATELIER estarán dispostos para que cando nos apeteza fagamos outra obriña.
Pero estes que vos ensinamos se convertirán en IMÁNS para o frigo.

Que vos parecen?


Xa sabedes, non tiredes frascos nin tapas que nós saberemos darlle outra oportunidade.

PAPOULAS

E TOCOU CAMBIO DE EXPOSICIÓN

As nosas exposicións temporais, duran o que nós tardamos en facer novos traballiños no atelier, a partires de agora seguro que menos tempo porque ampliamos o espazo e poderemos estar no atelier 6 peques á vez.
Neste curso seguiremos coa técnica das provocacións de aprendizaxe, coa preparación previa de materiais para invitar a utilizalos e cun modelo "ao que imitar, pero sempre dando o toque persoal de cada quen". O modelo é só unha guís dos pasos a seguir.
Neste caso, traballamos sobre unha flor con poderes máxicos, de relaxación: o dente de león!!!!

Mirade que chulada!!! Así de preciosas quedaron as nosas obras:

E aquí podedes ver como o fixemos:

Se vos fixades, para pintar as "sementiñas" non utilizamos nin pinceis, nin os dedos, senón uns limpapipas que enrolamos por un lado en forma circular.

Que vos parecen?

PEDRAS PINTADAS

Outra provocación que apareceu hoxe no atelier foi unha cestiña chea de pedras e unha imaxe onde se ve pintar unha pedra coa técnica do puntillismo.
E que sucedeu? Que rapidamente nos animamos a practicar esa técnica tamén nós. Aínda que non con pincel, coma na imaxe, senón con bastonciños. Noutras sesións, ao mellor lle damos unha senda volta con outro material máis fino (paliños) para resaltar cores e puntos. Quen sabe!

CAMBIAMOS A NOSA EXPOSICIÓN TEMPORAL

E pasamos das cestas de mimosas a unhas coloridas e ornamentadísimas bolboretas.

Por suposto cada un/ha lle deu o seu toque persoal, e agora temos unha zona super colorida e animada na clase.

HOXE CAMBIAMOS O MANDILÓN POLA CAMISETA

E iso que o día estaba de bufanda, gorro e luvas!!!!
Pero... que ben non vestimos nós soíñ@s e os que non sabíamos como poñer a camiseta pedimos axuda e rapidamente nos uniformamos tamén.
E nada, que despois de facer os nosos experimentos... continuamos comodamente cos nosos atuendos.

PROVOCACIÓNS DE APRENDIZAXE

Onte nas nosas mesas apareceron uns materiais que nunca viramos... estaban relacionados coa temática da primavera, e a profe di que son "provocacións de aprendizaxe".
Nunha mesa hai unha silueta de bolboreta de madeira e varias fotos de bolboretas de distintas cores... noutra había unha gaiola, un niño cun paxaro, plumas, e fotos de diversas especies de paxariños de cores...
Noutra atopamos un ramiño de flores e fotografías de moi distintas flores, tamén de cores!!!!
E...  que para que nos serviu todo isto? Pois para falar!!!! Falar da entrada da primavera, da importancia das cores na paisaxe nesta estacións (debido en gran parte a existencia de moitos animaliños e flores de moitas cores). Para falar de si os paxaros fan niños... onde os fan... con que? Para que serven as gaiolas? Onde estarán mellor os paxaros, en liberdade ou engaiolados?... Para un sinfín de conversas que se van enlazando unhas con outras ata chegar a temas máis específicos que iremos analizando pouquiño a pouco.
Pero ademais... ter ese materiais preparados "nos invitan" a traballar sobre a temática, e a non ter medo a utilizar as cores libremente.
Vemos que hai flores, paxaros e bolboretas de tódalas cores habidas e por haber, pois non nos podemos centrar nunha única posibilidade, exploremos e deixémonos levar polas cores que nos apetece utilizar en cada momento, as misturas... e por que non? Engadir novos materiais (lás, papeliños, limpiapipas...)
Xa vos iremos ensinando como acaban as nosas obriñas!
De momento... só un adianto:

A FIGURA HUMANA. TRABALLO EN EQUIPO

Hoxe no atelier quixemos facer unhas obriñas en grupo, así que... xuntamos unhas cartolinas e... a traballar libremente. Logo pegamos as fotos da nosa cara e a traballar a figura humana. E así de ben nos quedaron:

TEMPO DE MIMOSAS... IMOS APROVEITALO

Se algo teñen de característico as mimosas é o seu olor e a súa cor amarela intensa, pero tamén a suavidade das súas flores en forma de pequenas boliñas.

Hoxe a profe trouxo unha cestiña chea de mimosas, e nós tiñamos que exploralas (ulilas, tocalas, ver como eran as súas follas e as súas flores, as cores...) e despois, ademais de deixalas alí decorando o noso atelier... Por que non debuxalas? Claro que somos capaces de recrear realidades, claro que somos quen de representar a realidade ao noso xeito, por iso, aquí vos ensinamos algúns dos nosos traballiños. Mañá de seguro que haberá máis, e xa vos ensinaremos a exposición completa.

OS TUNEADOR@S REFUGALLADOR@S!!!!

Á profe mira que lle gusta traernos cousas raras ao cole!!!!
Hoxe apareceu rodando con esta cousa (bobina), despois sentouse nela como se fose un asento con rodas... e finalmente nos ensinou que era como a nosa "rotonda dos coches", pero que esta vez a imos a usar para outra cousa.
A única premisa que nos deu "tedes que pintala", o resultado  foi un traballo colaborativo e creativo para lograr esta "super mega colorida mesiña". Ímola utilizar no noso atelier, e xa vedes que ten moito mellor aspecto que toda marrón, agora  ten máis "vidilla", non?
Esta seguro que non a atopades en Ikea,  temos un mobiliario "exclusivo".

:)