PATRULLA DE LIMPEZA

Hoxe, á volta do recreo, fixámonos que preto do horto había moitos plásticos, papeis... (polo vento destes días atrás, e porque ás veces a xente se despista e tira as cousas onde non debe, nós non) así que, sen demora, puxémonos mans á obra e en 10 minutiños, entre tod@s (o traballo en equipo sempre é moito mellor) deixamos todos super limpo.
Esperemos que o vento non volva a facer das súas, e que o resto dos nen@s tiren as cousas onde debe ser (as papeleiras e contedores).
Na casa seguro que, coma no cole, tamén reciclades, e é fundamental que no-lo lembredes a miúdo así como a importancia de facelo, porque se o convertemos nun hábito non haberá que traballalo, senón que xa o faremos sen darnos conta.
Na clase sempre lle preguntamos á profe onde se tiran as cousas despois da merenda, e aínda que ás veces nos trabuquemos, son as máis os acertos que as equivocacións. Así que, imos no bo camiño!

E despois desta laboura de limpeza, tocou traballar hábitos de hixiene, lavando moi ben as mans con xabón antes de facer ningunha outra cousa.