A cociña é unha desas cousas que leva implícitos miles de aprendizaxes.
Coa cociña podemos traballar matemáticas (pesando, contando cantidades, traballando conceptos numéricos, así coma: dobre, metade...), lectoescritura (coas receitas, lendo as etiquetaxes...), o mundo sensorial (tacto, olfato, vista, gusto e ata o oído, esperando a que pite o forno, ou escoitando ferver auga, por exemplo).
Hoxe iniciámonos no noso obradoiro de cociña cunha receita ben sinxeliña: círculos de hoxaldre e chocolate raiado, pintados con ovo.
A vestimenta de cociña hoxe tocoulle a Vera por ser a "raíña da colmea" e a Diego, pois foi o axudante que escolleu ela. Aínda así, participaron tamén os compañeir@s para cortar a masa con cortapastas, raiar o chocolate. pintar con ovo... e despois... tod@s a degustalas! Estaban riquísimas!
No hay comentarios:
Publicar un comentario